Köydün işinde üylerdin, tas koralardın arasında caman, bızık bir col bardı. Ceri kayaman tasman toluydu. Köy tavdın tibinde boldugundan bolsa kerek köydün köbü yeri bulay tasman kaya edi. Bu coldun üstünde kuytu bir cerde eki bala pısgan fısıltaşıp bişiyler gonuşupyatırlardı.
- Taptın ma ?
- Mende biröv bar, baska tabamadım. Sen taptın ma ?
- Babam Gulu'ga ketgende şobanga, özüne akelip kelgendi. Kayerge sakladı bilmeymen. Amma üydün işinde tabarman.
- Hadi aşe ket, tez bol. Bekleymiz bak bu cerde.
- Üyde anam bar, kaydiy alıyakman ?
- Yav körmeden alıp kel işte..
- Körürse birde ?...
- Kayerden körsün. Köstermeden tez ketip kel …
- İyye. Kayerde bolyaksınız ?
- Yav bu cerde bolyakmız. Sacettin alardın tandırında.

Bala ' arüv ' dep arkasını dönüp şeşmege taman cürümege basladı. Sonra cuvurup ketti. Camidin astındaki coldan anav bir şeşmedin canından üylerine ketiyik colga şıgıyak, o yerden de üyge barıyadı. Arkada kalgan bala cuvurgan balaga bakırdı,
- Alper, Alper … Köp al da !!!

Bala gözden kaytgandı. Taslı coldan, tas koradın tibinden cürüp solga döndü. Döndügü cerde tas koraman şevrili bakşadın kapısı bardı. İşgerge kirdi. Üken bir bahşa edi ama solu hep boştu. Savunda bir sıra üy, tandır damı, samanlık,agıl falan bardı.Ak kireş badanalı üyler kullanılmaytandı. Bos boldugu üşün bu yerdi şeşgenlerdi. Bakşada heş agaş , yeşillik coktu. Cer aynı colday tasmınan kayamınan toluydu. Ama olay engebeli tuvdu. Tandır damının aldında bekleytan ballardın canına bardı. Özümen barabar beş bala ediler. Hepsi ta dörtge ketetandı okulda. Yasları anca onbir, oneki bardı…

Bahşaga kirgen Özcan' dı körgen ballar cuvurup bardılar canına,
- Ne boldu ?
- Alper üylerine ketti. Tabarsa akeliyik.mende de bar bir paket…
- Kirpit bar mı aşe ? dep soradı Samet.
- Mende bar. Saklanınız kimse körmesin. Nav yerge kireyik. Anam kelip melip turur.. Dep gızdı Sacettin.

Baladın kösterdigi cerge, tandırga kirip kapsını captılar.İşgerge kirgende solda bir tandır bardı. Tuvarlarda elekler kap kacaklar bardı. Savda üken, dört bir yagı agaşman yasangan bir unluk bardı. Kene savda şuvallar, telezler turubyatırdı. Terezelerden kirgen ışık işgerdi aruvce aydınlatırıydı. İşgerge kirdikten sonra tedirginlikleri azaldı. Genede ballardan atı Kamer bolgan soramadan turmadı,
- Anan kelse ne bolyak ? Sacettin,
- Kelip körürse zopalar valla. Bilir ne üşün kelgenimizdi… dep cevapladı. Murat,
- Hadi keteyik, boş beriniz, ne etyiksiniz işip navdu ?

Kimse ketmege canasmadı. Hepsi başka başka şiyler aytatandı. En sonunda üken unluktun işine kirmege karar berdiler. Agaştan yasaldıgı üşün ancak aldındaki kişikiy kapagından ya da cogarındaki kapagından kirebilirlerdi.Basta cogardaki kapagını aşıp işine karadılar.İşinde un çok edi. Bu arada kapı şaldı. Hepsi hem heyecanlandılar hem de korkup kaldılar. Betleri benizleri atgandı. Sıyaktan kısık bir ses keldi,
- Kapıdı aşınız,men keldim, Alper…
Süyündüler. Barıp kapıdı aştılar. Bala işgerge kirgenimen haman soradılar nettin dep. Bala,
- Kimsege köstermeden eki paket alıp keldim.

Anlaştıklarınday unluktun işine sırasıman kirdiler. Unluktun işi hem tar hemide karangıydı. Köptendir gulanılmadığına işinde örümcek agları bardı. Sıra sıra bolup oturdular. Alper, üyden alıp keldigi Birinci marka cigarelerdi kisesinden şıgarıp ortaga saldı. Özcan'da kisesindeki paketti şıgardı. Pakettin birövünü aşıp işinden birer tane cigare şıagrdılar. Kipritmen cagıp dumanını işlerine şektiler. İşlerine şekmelerimen hepsinin bir bir öksürmesi bir boldu. Unluktun işi de dumanman tolgandı. Kapaklarını aştılar unluktun.İşgerisi hem hava aldı hem de aydınlandı.

Heş birövü ta avel şigare işmegendi. Onun üşün işmesini bilmaytendiler. Üyde akalarından, köy cerinde abiylerinden körüp heves etenatdılar. Hepside zannetetandi ki, cigare işip baslarlarsa üken birövü bolyakmız, balalıktan şıgıyakmız diytandılar… Onun üşün cigarege heveslenip bu plandı casaganlardı. Üken adan bolyaklardı.

Avuzlarındaki cigarelerdi pitirmeden carım taslap birer tane taga caktılar. İşgeri gene tuman bolgandı. Bir yaktan gözleri canadı bir yaktan öksüretandılar. İyice bunalganlardı. Unluktun işinden cogarga, siyaka şıgmaga ugraştılar, boyları cetmedi. Unluktun aldındaki kisikiy kapaktan güş bela şıktılar.

Üstleri basları hep un bolgandı. Betleri şaşları appaşıkdı. Birbirlerine karap küldüler. Hoşlarına ketgendi unlu halleri. Birbirlerinin üstünü şırpıp tandır damından sıyaka , bakşaga şıktılar. Saga solga karadılar, kimse coktu. Bakşadan colga şıgıp karsıdaki şeşmege cuvurup şeşmedin kurnasına enkeyip betlerini cuvdular. Suvmunan üstlerini temizlep köydün işine taman kettiler. Cürüyüşleri degişgendi. Özlerini ükenlegen hissetetandılar. Gayrı akalarınday, köydeki abilerindey üken bolganlardı. Çünkü ükenlerdin hepisi cigare işetandı. Kimse özlerine cigare işmeyminen ükenlemiyeklerini aytbagandı, anlatmagandı. Ükenlediklerindeyse , ükenlemediklerini anlaganlardı.



Ö. HAKAN BENLİ
05.04.2007
Antalya